By Një ngjarje e rëndë është regjistruar paraditen e sotme në Shkodër, ku një i ri ka humbur jetën pasi dyshohet se është hedhur nga një pallat në lagjen Rus.
Sipas informacioneve paraprake, ngjarja ka ndodhur gjatë orëve të para të ditës, ndërsa i riu është gjetur në gjendje të rëndë pas rënies nga një lartësi e konsiderueshme.
Burime nga vendngjarja bëjnë me dije se ai ndodhej në ballkonin e katit të pestë të pallatit ku ndodhi tragjedia dhe ka ndërruar jetë si pasojë e plagëve të marra.
Policia e Shtetit njofton se deri tani viktima nuk është identifikuar, pasi nuk janë gjetur mjete identifikuese pranë trupit të pajetë.
Deri në këto momente, nuk dihen ende shkaqet e ngjarjes, ndërsa paraprakisht dyshohet se mund të bëhet fjalë për një rast vetëvrasjeje. Hetimet po vijojnë për zbardhjen e plotë të rrethanave.
