By Anëtari i Këshillit Kombëtar të Partia Demokratike e Shqipërisë, Myslim Murrizi, deklaroi se gara e paralajmëruar për 23 maj në parti nuk përbën një konkurrencë të vërtetë, duke kritikuar përfshirjen e kandidatëve anonimë.
I ftuar në emisionin “Kjo Javë” në News24, Murrizi u shpreh se nuk do të preferonte një garë me kandidatë të panjohur, duke iu referuar edhe kandidaturës së Mereme Selës, ndërsa theksoi se një votëbesim për Sali Berisha do të ishte më i ndershëm sesa, sipas tij, “kandidatura të sajuara”.
Ai shtoi se i vetmi kandidat që është ndaluar padrejtësisht nga gara është Ervin Salianji, duke e cilësuar këtë vendim si të padrejtë.
Murrizi gjithashtu komentoi përplasjet publike mes Berishës dhe Salianjit, duke i konsideruar ato më tepër si “inat politik” sesa deklarata për t’u besuar plotësisht.
“Jo të gjithë ata që artikulohen publikisht duhet të besohen. Është hapur një garë që nuk është garë. Më mirë një votëbesim për Berishën sesa kandidatura që nuk i njeh askush”, u shpreh ai.
Në vijim, Murrizi hodhi poshtë akuzat e ndërsjella mes dy figurave politike lidhur me pretendime për lidhje me elementë kriminalë, duke theksuar se deklarata të tilla nuk qëndrojnë dhe shpesh janë pjesë e retorikës politike.
