By Futbolli shqiptar është tronditur nga lajmi i rëndë për ndarjen nga jeta të Fatjon Bunjaku, i cili ka humbur jetën sot pas një aksidenti automobilistik në aksin rrugor Mitrovicë–Prishtinë.
Sipas informacionit paraprak, Bunjaku po drejtonte automjetin pas mesnate, së bashku me dy pasagjerë, kur u përfshi në aksident. Të tre personat kanë pësuar lëndime, por fatkeqësisht futbollisti nuk ka mundur t’u mbijetojë plagëve të marra.
Disa orë pas ngjarjes, në orët e mëngjesit rreth 07:50 të datës 7 qershor, është konfirmuar se sulmuesi i skuadrës së Elbasani ka ndërruar jetë.
Autoritetet përkatëse po vijojnë hetimet për të sqaruar plotësisht rrethanat e aksidentit. Ngjarja ka shkaktuar tronditje në komunitetin sportiv, ndërsa priten reagime nga klubi dhe federatat përkatëse.
NJOFTIMI I POLICISË SË KOSOVËS
Aksident trafiku me fatalitet në Vushtrri
Vushtrri, 07 qershor 2026
Më 07 qershor 2026, rreth orës 00:55, në rrugën nacionale Mitrovicë–Prishtinë, në segmentin rrugor në zonën e fshatit Maxhunaj, ka ndodhur një aksident trafiku ku është përfshirë një veturë.
Si pasojë e aksidentit, drejtuesi i automjetit dhe dy pasagjerë kanë pësuar lëndime trupore dhe janë dërguar për trajtim mjekësor. Ndërsa rreth orës 07:50, nga Shërbimi Spitalor Klinik Universitar i Kosovës (ShSKUK) është pranuar njoftimi se, përkundër përpjekjeve të personelit mjekësor, drejtuesi i automjetit viktima mashkull 22 vjeçar, ka vdekur si pasojë e lëndimeve të marra në aksident.
Me urdhër të prokurorit kompetent, trupi i pajetë i viktimës është dërguar në Institutin e Mjekësisë Ligjore për obduksion.
Hetuesit e Njësisë Rajonale të Trafikut janë duke zhvilluar hetime për të sqaruar rrethanat dhe shkaqet e aksidentit.
