By Një banesë është përfshirë nga flakët paraditen e kësaj të diele në fshatin Rrëmbec, në bashkinë e Maliqit.
Sipas informacioneve paraprake, dyshohet se shkak i zjarrit ka qenë shpërthimi i dy bombolave të gazit që përdoreshin nga familjarët për gatim.
Në momentin e shpërthimit, personat që ndodheshin brenda banesës kanë arritur të dalin jashtë në kohë, duke shmangur pasojat në jetë njerëzish.
Ndërhyrja e shpejtë e forcave zjarrfikëse të bashkisë Maliq ka bërë të mundur vënien nën kontroll të flakëve dhe shmangien e përhapjes së zjarrit në banesat përreth.
Në vendngjarje kanë mbërritur edhe forcat e Policisë së Shtetit, të cilat po punojnë për zbardhjen e plotë të rrethanave të incidentit.
Autoritetet vijojnë hetimet për të përcaktuar me saktësi shkakun e shpërthimit.
