By Qarqet e mëdha të veriut të Shqipërisë po përjetojnë një tkurrje të ndjeshme të popullsisë gjatë dekadës së fundit, si pasojë e përshpejtimit të emigracionit dhe lëvizjeve të brendshme demografike.
Sipas të dhënave më të fundit të INSTAT, periudha 2016–2026 ka sjellë rënie të fortë të popullsisë në shumicën e qarqeve të vendit, me veriun që rezulton më i godituri.
Qarku i Shkodra regjistron rënien më të madhe në rang kombëtar, me një tkurrje prej 25.58%, që përkthehet në mbi 50 mijë banorë më pak në një dekadë. Pas tij renditet Kukës me një rënie prej 24.78%, ku emigracioni i të rinjve drejt Britanisë së Madhe përmendet si një nga faktorët kryesorë.
Edhe Lezha dhe Dibra paraqesin situatë të ngjashme, me tkurrje përkatësisht 24.11% dhe 22.49%, duke reflektuar një prirje të përgjithshme të largimit të popullsisë nga veriu dhe zonat periferike.
Në nivel kombëtar, Shqipëria ka humbur 14.23% të popullsisë së saj, ose rreth 387 mijë banorë në periudhën 2016–2026. Rënie të ndjeshme raportohen edhe në qarqe të tjera si Fieri (-23.02%), Elbasan (-21.06%) dhe Korça (-22.63%).
Gjithashtu, Gjirokastra ka pësuar një tkurrje prej 21.86%, ndërsa Vlora ka humbur 18.46% të popullsisë së saj. Berat regjistron një rënie më të lehtë prej 9.44%, ndërsa edhe Durrësi ka shënuar tkurrje prej 12.08%.
E vetmja zonë që ka shënuar rritje të lehtë është qarku i Tirana, me një shtim prej 1.25% të popullsisë, i lidhur kryesisht me migracionin e brendshëm drejt kryeqytetit.
Të dhënat tregojnë një polarizim të fortë demografik të vendit, ku Tirana po konsolidon rolin e qendrës kryesore urbane, ndërsa pjesa tjetër e Shqipërisë përballet me plakje të popullsisë dhe tkurrje të vazhdueshme, me veriun që mbetet zona më e prekur nga ky fenomen.
Burimi: Monitor
