By Rodrigo Paz ka njoftuar uljen me 50% të pagave të tij dhe të gjithë kabinetit qeveritar, në një përpjekje për të qetësuar protestat e gjera që po paralizojnë vendin.
Vendimi vjen nën presionin e fortë të bllokadave mbarëkombëtare që kërkojnë dorëheqjen e qeverisë dhe i kanë mbajtur zonat kryesore të La Paz nën tension të vazhdueshëm.
Sipas deklaratës së presidentit, masa synon të tregojë “angazhim dhe sakrificë” ndaj qytetarëve në një moment krize politike dhe sociale.
“Ky president, së bashku me ministrat e tij, ka marrë vendimin… për të ulur pagat tona me 50%”, tha Paz në një fjalim publik.
Para vendimit, paga mujore e presidentit ishte rreth 24,978 bolivianë (afërsisht 3,617 dollarë amerikanë), ndërsa pas uljes do të zbresë në 12,489 bolivianë (rreth 1,808 dollarë amerikanë).
Bolivia ndodhet në javën e katërt të protestave të vazhdueshme, pas dështimit të dialogut mes qeverisë dhe përfaqësuesve të protestuesve, mes të cilëve sindikata dhe organizata indigjene.
