By Donald Trump deklaroi se rezervat e uraniumit të pasuruar të Iran duhet ose të dorëzohen në Shtetet e Bashkuara ose të shkatërrohen nën mbikëqyrje ndërkombëtare, ndërsa negociatat për një marrëveshje të re me Teheranin vijojnë.
Në një postim në platformën Truth Social, Trump theksoi se uraniumi i pasuruar iranian duhet të transferohet në SHBA për shkatërrim ose të asgjësohet në një vend tjetër në prani të vëzhguesve ndërkombëtarë.
Sipas raportimeve nga mediat amerikane, zyrtarët amerikanë kanë argumentuar se i gjithë stoku i uraniumit të pasuruar të Iranit duhet të hiqet si pjesë e një marrëveshjeje të mundshme bërthamore.
Nga ana tjetër, Teherani ka bërë të qartë se nuk do të diskutojë programin e tij bërthamor përpara zbatimit të një armëpushimi të mundshëm 60-ditor, i cili po negociohet në kuadër të marrëveshjes.
Kontaktet mes dy palëve po vazhdojnë, por deri tani nuk ka sinjale për arritjen e një marrëveshjeje përfundimtare.
