By Policia e Shtetit ka bërë disa emërime të reja në nivelet drejtuese të policive vendore, duke sjellë ndryshime në tre qarqe të rëndësishme të vendit.
Sipas vendimeve më të fundit, Ermal Muça është emëruar drejtor i Policisë Vendore të Lezhës, duke marrë drejtimin e një prej strukturave kyçe në veri të vendit. Ndërkohë, Edvin Ndreu është caktuar në krye të Policisë së Vlorës, një nga drejtoritë me ngarkesë të shtuar operacionale gjatë sezonit turistik.
Në qarkun e Fierit, Erion Ahmeti, i cili deri tani mbante detyrën si drejtor i komanduar, është konfirmuar zyrtarisht si drejtues i Policisë Vendore të këtij qarku.
Këto ndryshime vijnë në kuadër të riorganizimeve të brendshme në strukturat e Policisë së Shtetit, me synim forcimin e menaxhimit dhe rritjen e eficiencës në drejtimin e policive vendore në territor.
