By Një përplasje institucionale ka shpërthyer në Universiteti “Luigj Gurakuqi”, pas debatit për vijimin në detyrë të administratorit të institucionit, Mark Molla, i cili sipas ligjit ka arritur moshën e pensionit.
Situata ka përfshirë edhe Ministria e Arsimit dhe Bashkia Shkodër, ndërsa rektori i universitetit, Tonin Gjuraj, ka paralajmëruar se mund të rishikojë pozicionin e tij nëse nuk gjendet një zgjidhje.
Sipas zhvillimeve të fundit, administratori Mark Molla i ka kërkuar Bordit të Administrimit të universitetit shtyrjen e daljes në pension dhe vijimin e mandatit. Kërkesa duket se gëzon mbështetje institucionale, gjë që ka shkaktuar tensione mes drejtimit të universitetit dhe institucioneve të tjera.
Rektori Gjuraj thekson se ligji i jep rektorit atributet kryesore të drejtimit të institucionit dhe se posti i administratorit është funksion i emëruar. Në një letër drejtuar ministres së Arsimit, Mirela Kumbaro, ai kërkon reflektim dhe zgjidhje të situatës, duke theksuar se universiteti ka nevojë për një administrator të ri që të menaxhojë fondet e kërkimit shkencor dhe projektet europiane me transparencë.
Në deklaratën e tij, rektori paralajmëron se nëse nuk gjendet një zgjidhje në interes të institucionit, do të jetë i detyruar të rishikojë qëndrimin e tij dhe të informojë publikun për arsyet e këtij vendimi.
Debati lidhet me administrimin dhe autonominë universitare, ndërsa situata mbetet e hapur në pritje të një vendimi nga institucionet përkatëse.
