By Serxho Konseisao pritet të largohet nga Al Ittihad Club, ndërsa palët janë në proces për përfundimin e bashkëpunimit dhe mungon vetëm zyrtarizimi i vendimit.
Edhe pse nuk ka kaluar as një vit në Arabinë Saudite, trajneri portugez raportohet se është i vendosur të rikthehet në Europë.
Ky zhvillim konsiderohet pozitiv për mbrojtësin shqiptar Mario Mitaj, i cili gjatë drejtimit të Konseisaos – ashtu si edhe nën paraardhësin Laurent Blanc – nuk ka qenë pjesë e rregullt e formacionit në ndeshjet e kampionatit, shpesh duke mbetur jashtë skuadre për shkak të kufizimeve të lojtarëve të huaj.
Konseisao ka drejtuar gjithsej 41 ndeshje me Al Itihad, duke regjistruar 21 fitore, 7 barazime dhe 13 humbje.
Sezoni i fundit u mbyll me klubin në vendin e pestë, një rezultat që konsiderohet zhgënjyes për objektivat e ekipit në kampionatin vendas, ku nuk arriti të ishte konkurrues për titullin kampion.
