By SC Paderborn 07 ka siguruar rikthimin në Bundesliga, pasi mposhti në ndeshjen vendimtare VfL Wolfsburg në “play-out”, duke i rrëmbyer vendin në elitë.
Ndeshja e kthimit u mbyll 2-1 në favor të Paderbornit, ndërsa pas barazimit në sfidën e parë dhe rezultatit 1-1 në kohën e rregullt të takimit të dytë, goli në shtesë vulosi rënien e Wolfsburgut në 2. Bundesliga.
Ky rezultat përbën një goditje të rëndë për mesfushorin e Kosovës Elvis Rexhbeçaj, i cili ishte transferuar së fundmi te Wolfsburgu dhe priste të luante në elitën e futbollit gjerman.
Rexhbeçaj kishte firmosur kontratën në muajin prill, pas kalimit nga FC Augsburg, por tani do të jetë i detyruar ta nisë aventurën e tij të re në kategorinë e dytë, pas rënies së klubit nga Bundesliga.
