By Policia ka arrestuar në flagrancë dy shtetas, S. A., 63 vjeç, dhe E. H., 41 vjeçe, të dyshuar për një ngjarje të ndodhur në zonën e ish-Doganës.
Sipas njoftimit zyrtar, dy personat dyshohet se gjatë një konflikti për motive të dobëta në një dyqan elektroshtëpiakesh kanë kanosur një kliente, i kanë kufizuar lirinë duke e mbajtur kundër vullnetit të saj në ambientet e subjektit dhe kanë ushtruar dhunë fizike ndaj saj.
Ngjarja ka ndodhur në një dyqan në zonën e Ish-Dogana, ndërsa situata ka kërkuar ndërhyrjen e menjëhershme të shërbimeve të Policisë për të normalizuar gjendjen.
Gjatë ndërhyrjes, dy të arrestuarit kanë kundërshtuar efektivët, ndërsa shtetasja E. H. dyshohet se ka goditur një punonjës policie, duke i shkaktuar dëmtime të lehta.
Autoritetet po vijojnë hetimet për zbardhjen e plotë të rrethanave të ngjarjes dhe për përcaktimin e përgjegjësive ligjore të të përfshirëve.
