By Një pikë këmbimi valutor është tentuar të vidhet mëngjesin e së premtes në zonën e Shkozës në Tiranë.
Sipas informacionit paraprak, autoritetet kanë ndërhyrë menjëherë në vendngjarje, duke bërë të mundur arrestimin në flagrancë të autorit të dyshuar.
Gjatë kontrollit, policia i ka gjetur një armë lodër, e cila dyshohet se është përdorur gjatë tentativës së grabitjes për të kanosur punonjësit e subjektit.
Policia e Shtetit ka nisur hetimet për të zbardhur plotësisht rrethanat e ngjarjes, si dhe për të përcaktuar nëse autori ka vepruar i vetëm apo në bashkëpunim me persona të tjerë.
Hetimet vijojnë, ndërsa pritet që në vijim të ketë më shumë detaje mbi rastin.
