By Seanca plenare e Kuvendit u përfshi nga tensione të forta mes ministrit të Financave Petrit Malaj dhe kreut të Agron Shehaj, gjatë një interpelance të kërkuar nga ky i fundit për çështjen e faljes së gjobës ndaj Bankers Petroleum.
Debati u ashpërsua pasi ministri Malaj ngriti akuza ndaj Shehajt, duke iu referuar disa kompanive dhe lidhjeve të tij të pretenduara me bizneset jashtë vendit, duke shfaqur edhe një dokument gjatë fjalës së tij në Kuvend.
Nga ana tjetër, Shehaj i hodhi poshtë akuzat, duke deklaruar se kompanitë e tij janë të deklaruara dhe publike, dhe se të gjitha të ardhurat dhe aktivitetet e tyre janë të ligjshme dhe të raportuara sipas ligjit.
Shkëmbimi i akuzave mes palëve u përshkallëzua më tej, me tone të ashpra dhe ndërprerje të fjalës, duke çuar në një situatë të tensionuar në sallë.
Pas deklaratave të forta të Shehajt, nënkryetarja e Kuvendit vendosi përjashtimin e tij nga seanca plenare, duke ndërprerë diskutimin dhe normalizuar përkohësisht punimet parlamentare.
