By Një operacion i gjerë i zhvilluar nga SPAK në bashkëpunim me Policia e Shtetit ka çuar në ekzekutimin e disa masave të sigurisë ndaj personave të dyshuar për përfshirje në veprimtari kriminale.
Sipas raportimeve, në kuadër të aksionit është arrestuar biznesmeni Orest Sota, ndërsa disa masa të tjera sigurie nuk janë ekzekutuar pasi të dyshuarit ndodhen jashtë territorit të Shqipërisë.
Në kërkim janë shpallur Ilir Shtufi, Artur Shehu, Edmond Jaupi dhe Orges Birçaj, të cilët dyshohen për përfshirje në aktivitet kriminal në kuadër të një grupi të strukturuar.
Sipas të dhënave paraprake, personat e hetuar dyshohen për trafikim të lëndëve narkotike dhe pastrim parash në shuma të konsiderueshme, të kryera si pjesë e një strukture të organizuar kriminale.
Aksioni vijon ende dhe pritet që autoritetet të publikojnë detaje të tjera mbi numrin e personave të përfshirë dhe rezultatet përfundimtare të operacionit.
