By Një aksident me pasojë vdekjen është regjistruar mbrëmjen e sotme në zonën e Laknasit, duke i marrë jetën një 48-vjeçari.
Sipas informacioneve paraprake, ngjarja ka ndodhur rreth orës 20:30, kur një automjet që drejtohej nga shtetasi me inicialet E. V., 20 vjeç, është përplasur me një motomjet, në drejtimin e të cilit ndodhej shtetasi L. G., 48 vjeç.
Si pasojë e përplasjes së fortë, 48-vjeçari ka pësuar plagë të rënda dhe ka humbur jetën.
Ndërkohë, drejtuesi i automjetit është shoqëruar në Komisariat, ku po kryhen veprimet e mëtejshme procedurale për zbardhjen e plotë të rrethanave të aksidentit.
Policia ndodhet në vendngjarje dhe vijon hetimet për të përcaktuar shkaqet që çuan në këtë aksident fatal.
