By Venezuela vazhdon të përballet me pasojat e rënda të tërmeteve të fuqishme që goditën vendin javën e kaluar, ndërsa ekipet e kërkim-shpëtimit vijojnë operacionet në zonat më të prekura.
Edhe pse mijëra persona janë lokalizuar gjatë ditëve të fundit, shqetësimi mbetet i lartë pasi dhjetëra mijëra të tjerë rezultojnë ende të zhdukur. Sipas të dhënave të një platforme online të krijuar për regjistrimin e personave të zhdukur, fati i 46,628 personave mbetet ende i panjohur.
Platforma u mundëson qytetarëve të raportojnë emrat, të dhënat personale dhe vendndodhjen e fundit të njohur të familjarëve të tyre, duke ndihmuar autoritetet dhe ekipet e emergjencës në koordinimin e operacioneve të kërkimit në mbarë vendin.
Sipas përditësimit më të fundit, numri i personave të zhdukur ka shënuar rënie krahasuar me një ditë më parë. Më 28 qershor, lista e të zhdukurve kishte kaluar shifrën e 50 mijë personave, ndërsa deri tani 15,097 persona të raportuar fillimisht si të zhdukur janë gjetur.
Në total, që nga goditja e tërmeteve, rreth 61 mijë persona janë raportuar si të zhdukur, megjithatë autoritetet theksojnë se numri po zvogëlohet gradualisht falë identifikimeve dhe përparimit të operacioneve të kërkim-shpëtimit.
Ekipet e emergjencës vijojnë punën mes rrënojave, ndërsa mijëra familje presin me ankth dhe shpresë lajme për të afërmit e tyre.
