By Eliminimi nga Bosnja në finalen e “play-off”-it për Botërorin 2026 ka shkaktuar një krizë të thellë në radhët e Italia kombëtarja e futbollit. Si pasojë e këtij dështimi, presidenti Gabriele Gravina, trajneri Gennaro Gattuso dhe koordinatori Gianluigi Buffon kanë dhënë dorëheqjen, duke lënë një boshllëk të madh në strukturat drejtuese.
Në pritje të emërimeve të reja që pritet të zyrtarizohen gjatë muajit qershor, drejtimi i përkohshëm i ekipit i është besuar trajnerit të U-21, Silvio Baldini. Ai do të udhëheqë skuadrën në dy ndeshjet miqësore kundër Luksemburgut dhe Greqisë, i ndihmuar nga stafi i tij aktual.
Ndërkohë, emri që po përflitet më shumë për të marrë drejtimin e përhershëm të kombëtares është ai i Antonio Conte. Një rikthim i tij në stolin e Italisë shihet si një mundësi për të rikthyer disiplinën dhe identitetin e skuadrës, pas një periudhe të vështirë.
Muaji qershor pritet të jetë vendimtar për të ardhmen e Italisë, ku do të përcaktohen drejtuesit e rinj dhe drejtimi që do të marrë projekti i kombëtares pas këtij dështimi të rëndë.
