By Ish-sulmuesi i Egnatia, Kastrioti Selmani, pritet të vijojë karrierën te Prishtina, e drejtuar nga trajneri Orges Shehi.
Sipas “Gazeta Olle”, 27-vjeçari, i cili është shpallur më herët kampion me Egnatian, ka arritur marrëveshjen me klubin nga kryeqyteti i Kosovës. Transferimi pritet të zyrtarizohet në ditët në vijim.
Prishtina po vijon punën për ndërtimin e skuadrës së sezonit të ardhshëm, ndërsa afrimi i Selmanit shihet si një përforcim i rëndësishëm për repartin ofensiv. Sulmuesi pritet t’i shtojë skuadrës shpejtësi dhe kreativitet në fazën e sulmit.
Me këtë lëvizje, Selmani rikthehet në Superligë me synimin për të qenë një nga lojtarët kyç në projektin e ri të Prishtinës nën drejtimin e Orges Shehit.
