By Modelja dhe influencuesja Georgina Rodríguez ka tërhequr sërish vëmendje në rrjetet sociale, pasi publikoi një seri fotosh nga pushimet e saj në Miami, ku shfaqet në plazh dhe në ambiente luksoze të qytetit.
Në postimet e saj në “Instagram”, të ndjekura nga dhjetëra miliona fansa, ajo ndau momente nga qëndrimi në Florida, ku kishte udhëtuar për të mbështetur partnerin e saj, Cristiano Ronaldo, gjatë aktiviteteve të lidhura me Kupën e Botës.
Fotot kanë marrë menjëherë reagime të shumta nga ndjekësit, me komente dhe pëlqime që janë shtuar në mënyrë të shpejtë pas publikimit.
Sipas mediave ndërkombëtare, Rodríguez dhe Ronaldo, pas rreth një dekade lidhjeje, vazhdojnë të jenë në një marrëdhënie të qëndrueshme dhe janë përfolur edhe për plane martese në të ardhmen. Raportohet se Ronaldo i ka propozuar më herët me një unazë fejese me vlerë të lartë, ndërsa çifti mbetet ndër më të komentuarit në botën e showbiz-it dhe sportit.
