By Një media greke ka publikuar një artikull ku analizon ndryshimin që, sipas saj, ka pësuar brezi i ri i vajzave shqiptare që janë rritur në Greqi.Sipas artikullit, vajzat shqiptare të brezit të ri nuk kanë më të njëjtin profil me prindërit e tyre, të cilët emigruan në Greqi gjatë viteve ’90. Media thekson se shumë prej tyre janë rritur në kushte më të mira ekonomike dhe sociale, me një stil jetese perëndimor, duke u integruar plotësisht në shoqërinë ku jetojnë.Në shkrim thuhet se prindërit shqiptarë, pavarësisht vështirësive të mëdha që përjetuan pas emigrimit, arritën të ndërtonin një jetë më të mirë dhe të bëheshin pjesë e shtresës së mesme në vendet ku u vendosën.Artikulli vijon duke pretenduar se vajzat e tyre janë rritur me më shumë mundësi, kujdes dhe standarde jetese më të larta, çka, sipas medias greke, reflektohet edhe në pamjen e tyre, mënyrën e të veshurit dhe stilin e jetesës.Këto vlerësime janë opinione të autorëve të artikullit dhe jo fakte të verifikuara në mënyrë të pavarur.
