By Nga Berlin, gjatë Konferencës Vjetore të Komisionit të Bllokut Lindor, Kryeministri i Shqipërisë Edi Rama ka komentuar zhvillimet dhe debatet e fundit në vend lidhur me projektet turistike në Sazan dhe Zvërnec.
Ai i cilësoi protestat dhe reagimet publike si pjesërisht të ndikuara nga fushata dezinformuese, duke theksuar se çështja është amplifikuar nga rrjetet ndërkombëtare të informacionit dhe narrativat digjitale.
Në fjalën e tij, Rama u shpreh se rastet kur pretendime të pa verifikuara kthehen shpejt në “fakte të perceptuara” përbëjnë një rrezik për demokracinë, jo vetëm në Shqipëri, por edhe në Europë dhe SHBA. Sipas tij, besimi publik tek e vërteta objektive është një nga sfidat kryesore të kohës.
Kryeministri gjithashtu i bëri thirrje Bashkimit Europian që të përshpejtojë integrimin e Ballkani Perëndimor, duke argumentuar se vonesat krijojnë hapësira për ndikime të dëmshme dhe destabilizuese.
Deklaratat e tij u fokusuan veçanërisht në nevojën për mbrojtjen e “realitetit dhe provave” në debatet publike, si një kusht thelbësor për funksionimin e demokracisë moderne.
