By Një ngjarje e rëndë është shënuar në qarkun e Korçës, ku një fëmijë vetëm 4 vjeç ka rënë aksidentalisht nga kati i dytë i banesës së tij.
Ngjarja ka ndodhur në fshatin Vinçan, ndërsa si pasojë e rënies i mituri ka pësuar dëmtime në trup dhe në kokë.
Sipas informacioneve paraprake, 4-vjeçari është transportuar me urgjencë në reanimacionin e pediatrisë në Spitalin e Korçës, ku po merr ndihmën e parë mjekësore nga stafi shëndetësor.
Për shkak të gjendjes së tij shëndetësore dhe nevojës për trajtim më të specializuar, është vendosur transferimi i fëmijës drejt Tiranës.
Ndërkohë, shërbimet e Policisë kanë mbërritur në vendngjarje dhe po kryejnë veprimet procedurale për të zbardhur plotësisht rrethanat në të cilat ndodhi aksidenti. Gjendja e të miturit raportohet serioze, ndërsa pritet një informacion më i detajuar nga autoritetet shëndetësore dhe policore.
