By Kirurgu i arrestuar për dyshime mbi ngacmim seksual ndaj një 21-vjeçareje, Nikolla Nunka, mësohet se është shtruar në Spitalin Rajonal të Korçës pasi ka shfaqur probleme shëndetësore gjatë qëndrimit në ambientet e komisariatit.
Sipas informacioneve, mjeku ka pasur më herët histori problemesh me zemrën dhe nuk është ndjerë mirë, duke u dërguar për kontroll në urgjencë. Pas kryerjes së EKG-së, është konstatuar një problem kardiak, ndërsa mjekët kanë vendosur që ai të mbahet nën kujdes dhe monitorim të vazhdueshëm në spital.
Ndërkohë, autoritetet pritet të vendosin në vijim për masën e sigurisë ndaj tij, e cila ishte parashikuar të shqyrtohej nesër, duke marrë në konsideratë edhe gjendjen e tij shëndetësore.
