By Presidenti i SHBA-së, Donald Trump, ka bërë një deklaratë të fortë duke pretenduar se vendi është shumë pranë zbulimit të një medikamenti që mund të “ndalojë njerëzit të vdesin”.
Gjatë një konference për media në Shtëpinë e Bardhë, Trump u shpreh se ilaçi është në fazë testimi dhe se ka dhënë rezultatet e para konkrete.
“E dimë se ky ilaç funksionon, sepse kemi pasur raste ku njerëz që konsideroheshin klinikisht të humbur janë përmirësuar pas trajtimit,” tha ai, duke shtuar se rezultatet nuk janë të njëjta për të gjithë pacientët.
Deklaratat e tij kanë tërhequr vëmendje të madhe, ndërsa nuk janë dhënë detaje shkencore apo konfirmime të pavarura mbi ekzistencën ose efektivitetin e një trajtimi të tillë.
