By Tre persona kanë humbur jetën gjatë festimeve masive në Mexico City pas fitores së kombëtares në Kupën e Botës ndaj Ekuadorit.
Sipas autoriteteve lokale, mes viktimave është një vajzë 19-vjeçare, një grua 48-vjeçare dhe një burrë 44-vjeçar, të cilët dyshohet se kanë ndërruar jetë si pasojë e mbytjes nga mungesa e oksigjenit, pasi turma të mëdha u derdhën në kryeqytet për të festuar.
Një burrë 30-vjeçar ka humbur gjithashtu jetën si pasojë e një krize epileptike gjatë kaosit të krijuar nga grumbullimi masiv i njerëzve.
Më shumë se një milion qytetarë dolën në rrugë, kryesisht pranë monumentit të Engjëllit të Pavarësisë në qendër të qytetit, për të shënuar fitoren e parë të vendit në fazën me eliminim direkt të Kupës së Botës që prej vitit 1986.
Kryetarja e bashkisë, Clara Brugada, ka shprehur ngushëllimet e saj për familjet e viktimave dhe ka premtuar mbështetje institucionale në ditët në vijim.
