By Klubi i KF Teuta ka prezantuar afrimin e radhës në këtë merkato verore, mbrojtësin Geraldo Bajrami.
26-vjeçari, ish-futbollist i përfaqësueses U21 të Shqipërisë, vjen pas eksperiencës në Angli me Crawley Town F.C., ku në sezonin e fundit ka qenë pjesë e skuadrës në League Two, pas një periudhe të vështirë rikuperimi nga dëmtimi.
Bajrami ka qenë më herët në pronësi të Burton Albion F.C., ndërsa transferimi i tij te Teuta vjen si lojtar i lirë pas përfundimit të kontratës. Ai pritet të luajë për herë të parë në karrierë jashtë sistemit të futbollit anglez.
Me këtë afrim, Teuta ka zyrtarizuar deri tani një merkato të ngjeshur me pesë përforcime: Mala, Fangaj, Umejiego, Hoxha dhe Bajrami, duke synuar forcimin e skuadrës për sezonin e ri.
