By Partizani ka përfituar një tjetër shumë të konsiderueshme nga transferimi i mesfushorit senegalez Maget Gueye, pas suksesit të Racing Santander në ngjitjen në La Liga.
Sipas raportimeve, klubi shqiptar ka marrë rreth 300 mijë euro shtesë si bonus i parashikuar në kontratën e transferimit, pas arritjes së objektivit të rikthimit në elitën e futbollit spanjoll brenda afatit të përcaktuar.
Partizani e kishte shitur Gueye-n në verën e vitit 2024 për rreth 500 mijë euro, ndërsa më herët kishte përfituar edhe 100 mijë euro bonus pas arritjes së “play-off”-it në sezonin e parë në Spanjë. Në total, të ardhurat nga kjo lëvizje kanë shkuar në rreth 900 mijë euro.
Mesfushori 23-vjeçar ka qenë pjesë e rëndësishme e sezonit të Racing Santander, i cili siguroi vendin e parë në La Liga 2 dhe rikthimin në elitën e futbollit spanjoll. Ai ka fituar gjithashtu rol titullari dhe pritet të jetë pjesë e skuadrës edhe në La Liga në sezonin e ardhshëm.
Ky transferim po shihet si një nga shembujt më të suksesshëm të merkatos së Partizani në vitet e fundit, pas zbulimit të lojtarit në vitin 2021 dhe zhvillimit të tij në futbollin europian.
