By Ylli brazilian Neymar do të bëhet baba për herë të katërt. Lajmi është bërë publik nga partnerja e tij, Bruna Biancardi, përmes një videoje të postuar në rrjetet sociale.
Në video, Biancardi ka zbuluar edhe gjininë e foshnjës, duke treguar se çifti do të mirëpresë një vajzë.
Për të festuar këtë moment, çifti ka organizuar një festë intime me familjarë dhe miq të afërt, ku një tortë me ngjyrë rozë ka zbuluar edhe gjininë e bebit në një atmosferë surprizë.
Në event kanë qenë të pranishme edhe dy vajzat e çiftit, Mavie dhe Mel, si dhe djali i parë i Neymar, Davi Lucca, nga një marrëdhënie e mëparshme.
Çifti ka ndarë momente të shumta familjare gjatë festës, duke e kthyer njoftimin në një ngjarje të gëzueshme për ndjekësit e tyre në rrjetet sociale.
