By Mirel Josa është një nga kandidatët kryesorë për të marrë drejtimin e Skënderbeu, pas përfundimit të sezonit me Bylis.
Në kampin korçar po vlerësohet maksimalisht profili i trajnerit, ndërsa drejtuesit po shqyrtojnë pasuesin e Ernest Gjoka, i cili, ndonëse nuk është larguar zyrtarisht, pritet të mos vijojë më në krye të ekipit pas ndeshjes së fundit ndaj Laçi.
Edhe Josa vjen pas një periudhe jo të lehtë, përfshirë zhgënjimin në sfidën ndaj Vora, megjithatë ai mbetet një emër i vlerësuar në futbollin shqiptar.
Rikthimi i tij në Korçë do të kishte edhe një dimension historik, pasi Josa ka qenë më parë pjesë e suksesit të Skënderbeut, duke udhëhequr skuadrën në një nga periudhat më të suksesshme të klubit dhe pjesëmarrjen në grupet e UEFA Europa League.
62-vjeçari madje ishte përmendur edhe si kandidat për trajnerin e vitit, duke forcuar më tej profilin e tij në tregun e trajnerëve.
Në garë për stolin korçar përmendet gjithashtu edhe Julian Ahmataj, ndërsa vendimi final pritet të vijë nga presidenca e klubit në ditët në vijim.
