By Granit Xhaka është rikthyer në fokusin e merkatos së futbollit, pasi paraqitjet e tij te Sunderland kanë bindur se mesfushori mund të luajë ende në nivele të larta.
Sipas mediave britanike, trajneri Xabi Alonso ka kërkuar që Xhaka të bashkohet me Chelsea FC, duke synuar ta ketë sërish nën urdhrat e tij pas bashkëpunimit të mëparshëm te Bayer Leverkusen.
Thuhet se vetë lojtari është i hapur për një rikthim në Londër, ku ka luajtur më herët me Arsenal FC, çka e bën Chelsea-n një destinacion të preferuar për të.
Megjithatë, Sunderland nuk është i gatshëm ta lëshojë lehtë. Klubi raportohet se ka refuzuar një ofertë fillestare prej rreth 8 milionë paundësh për kartonin e mesfushorit dhe synon ta mbajë atë të paktën edhe për një sezon tjetër.
Chelsea pritet të rikthehet me një ofertë të përmirësuar në ditët në vijim, ndërsa e ardhmja e Xhakës mbetet e hapur në një nga çështjet më të ndjekura të merkatos verore.
