By Ministri i Brendshëm Besfort Lamallari ka reaguar nga Elbasani lidhur me protestën e djeshme në Tiranë, ku pati përplasje mes protestuesve dhe policisë.
Ai deklaroi se Policia e Shtetit ka vepruar në mënyrë profesionale dhe ka bërë dallimin mes qytetarëve që ushtrojnë të drejtën e protestës dhe personave që, sipas tij, kanë shkelur ligjin.
Sipas Lamallarit, dhuna në bulevard ka nisur fillimisht nga protestuesit ndaj efektivëve të policisë, ndërsa theksoi se protesta në vetvete është e ligjshme, por jo aktet e dhunës.
Ai u shpreh se një grup i vogël personash ka vandalizuar pasurinë publike dhe ka sulmuar policinë, duke shtuar se ndaj tyre do të ketë përgjigje “proporcionale me ligjin”.
Ministri shtoi gjithashtu se policia ka detyrimin të mbrojë edhe gazetarët gjatë ushtrimit të detyrës, pas kërkesave të ngritura nga organizatat e medias.
