By Sulmuesi i FC Südtirol, Silvio Merkaj, ka mbyllur një sezon pozitiv në Serie B, duke regjistruar 9 gola dhe 1 asist, statistika që e ndihmuan skuadrën të siguronte mbijetesën në kategori.
Merkaj ka edhe një vit kontratë me klubin italian, por sipas “Corriere dell’Alto Adige”, drejtuesit e Südtirol po shqyrtojnë mundësinë e shitjes së tij gjatë merkatos së verës, me qëllim për të përmirësuar bilancin financiar dhe për të krijuar hapësira për përforcime të reja.
Në këtë situatë, interes për sulmuesin shqiptar ka shfaqur LR Vicenza, skuadër e sapongjitur nga Serie C, e cila po kërkon përforcime për të forcuar repartin ofensiv në sezonin e ardhshëm.
Vicenza e sheh Merkajn si një lojtar që mund të ndihmojë ekipin në objektivin për qëndrimin në Serie B, ndërsa mbetet për t’u parë nëse negociatat do të konkretizohen gjatë muajve të verës.
