By Një konflikt mes dy personave është regjistruar mëngjesin e sotëm në vendin e quajtur “Nisharaku”, ku një 55-vjeçar ka mbetur i plagosur pas goditjes me mjet prerës.
Sipas informacioneve paraprake, ngjarja ka ndodhur rreth orës 07:40, ku pas një sherri për motive të dobëta, shtetasi Enton Nushaj, 48 vjeç, dyshohet se ka goditur me thikë 55-vjeçarin Armando Millonaj.
I plagosuri është transportuar menjëherë në spital, ku po merr trajtim mjekësor dhe ndodhet nën kujdesin e bluzave të bardha.
Ndërkohë, autori i dyshuar është shpallur në kërkim nga policia. Shërbimet policore vijojnë kontrollet në zonë me qëllim kapjen e tij dhe zbardhjen e plotë të rrethanave të ngjarjes.
Në njoftimin zyrtar, policia bën me dije se hetimet për rastin janë në vijim.
