By Kongresmeni amerikan Keith Self u ka bërë thirrje katër shteteve anëtare të NATO-s që nuk e njohin Kosovën që të ndryshojnë qëndrim dhe të njohin pavarësinë e saj.
Ai theksoi se integrimi i plotë i Kosovës në strukturat euroatlantike është thelbësor për stabilitetin e rajonit dhe për sigurinë më të gjerë në Evropë.
Duke iu referuar Kosovës si një partner të besueshëm të Shteteve të Bashkuara, Self vuri në dukje se vendi ka treguar përkushtim të qartë ndaj stabilitetit rajonal dhe bashkëpunimit me NATO-n.
Ai kritikoi qëndrimin e Greqisë, Rumanisë, Spanjës dhe Sllovakisë për mosnjohjen e Kosovës, duke argumentuar se kjo situatë, sipas tij, pengon aspiratat e saj për anëtarësim në NATO.
Sipas tij, pranimi i Kosovës në aleancë do të forconte sigurinë në Ballkan dhe do të shërbente si një kundërpeshë ndaj ndikimit të kundërshtarëve të Perëndimit në rajon.
