By FIFA pritet të shqyrtojë një propozim të ri për zgjerimin e Kupa e Botës FIFA 2030 në 66 përfaqësuese, vetëm pak kohë pasi kompeticioni i këtij viti do të zhvillohet për herë të parë me 48 skuadra.
Ideja është propozuar nga CONMEBOL dhe synon të rrisë edhe më tej numrin e ekipeve pjesëmarrëse në turneun më të rëndësishëm të futbollit botëror.
Një format i tillë do t’u jepte mundësi edhe vendeve që nuk kanë marrë pjesë asnjëherë në një Botëror të sigurojnë kualifikimin. Mes tyre përmendet edhe Shqipëri, e cila mund të përfitojë nga zgjerimi i kompeticionit.
Ndërkohë, FIFA ka përjashtuar kategorikisht mundësinë që Kupa e Botës të zhvillohet çdo dy vite, duke e konsideruar një ide të papërshtatshme për kalendarin ndërkombëtar të futbollit.
Botërori i vitit 2030 do të jetë historik edhe për faktin se përkon me 100-vjetorin e zhvillimit të Kupës së Botës. Vendet pritëse të turneut do të jenë Spanjë, Portugali dhe Marok.
Ndërsa, për të shënuar jubileun e kompeticionit, disa ndeshje speciale hapëse pritet të zhvillohen në Uruguaj, Argjentinë dhe Paraguaj, vende që lidhen me historinë e parë të Kupës së Botës.
