By Kampionët e Shqipërisë, FC Egnatia, kanë mësuar kundërshtarin për turin e parë të Ligës së Kampioneve, ku do të përballen me moldavët e FC Petrocub Hîncești.
Sipas shortit, skuadra nga Rrogozhina konsiderohet se ka shmangur disa kundërshtarë më të fortë në letër, duke përfituar një përballje më të ekuilibruar në këtë fazë të kompeticionit.
Ndeshja e parë do të zhvillohet më 7 ose 8 korrik në transfertë në Moldavi, ndërsa sfida e kthimit është programuar për më 14 ose 15 korrik në Rrogozhinë.
Ndërkohë, edhe FC Drita ka mësuar kundërshtarin e saj në këtë fazë, duke u vendosur përballë lituanezëve të FK Kauno Žalgiris, në një duel që pritet të jetë më sfidues në letër për skuadrën nga Kosova.
