By Dy shtetase kolumbiane, të moshës 20 dhe 31 vjeç, janë arrestuar nga Policia e Fierit, nën dyshimet për ushtrim prostitucioni.
Sipas njoftimit paraprak, të rejat nga Amerika e Jugut kishin marrë me qira një banesë në qytetin e Fierit, ku dyshohet se kryenin aktivitetin e paligjshëm.
Gjatë operacionit policor janë sekuestruar para që dyshohet se janë përfituar nga kjo veprimtari, si dhe 6 telefona celularë që do të shërbejnë si prova materiale në hetim.
Policia po vijon punën për dokumentimin e plotë të rastit dhe zbardhjen e të gjitha rrethanave.
