By Te Juventus ka ndodhur një zhvillim i rëndësishëm në strukturën drejtuese, pasi Damien Comolli ka përfunduar mandatin e tij si CEO i klubit, në një vendim që pritet të zyrtarizohet së shpejti.
Sipas raportimeve, vendimi është marrë pas një takimi të shkurtër mes palëve, ku u dakordësua largimi i tij pas vetëm një viti në detyrë si drejtor ekzekutiv i klubit torinez.
Ky zhvillim vjen në një moment pas një sezoni të vështirë për Juventusin, ku klubi nuk arriti objektivin për kualifikim në UEFA Champions League, gjë që ka nxitur ndryshime të thella në menaxhim.
Sipas burimeve pranë klubit, pronari John Elkann ka reaguar ndaj rezultateve të sezonit, duke kërkuar ristrukturim të bordit drejtues dhe një qasje të re për të ardhmen e klubit.
Në vijim, pritet që trajneri Luciano Spalletti të ketë më shumë rol në vendimet për merkaton, ndërsa përmenden edhe ndryshime të tjera në strukturë, përfshirë rikthimin e mundshëm të Giovanni Carnevali dhe rritjen e rolit të Giorgio Chiellini në menaxhim sportiv.
Klubi bardhezi po ndjek kështu një model riorganizimi të ngjashëm me ndryshimet e fundit të ndodhura edhe te AC Milan, pas largimeve në nivelet e larta drejtuese.
