By Klubi i KF Skënderbeu Korçë duket se ka mbyllur dy afrimet e para për merkaton verore, duke siguruar shërbimet e Viktor Braga dhe Luan Lleshit, sipas raportimeve të “Ligasport.al”.
Mesfushori brazilian Viktor Braga, 24 vjeç, pritet të forcojë repartin e mesfushës së skuadrës korçare. Ai vjen pas eksperiencave në Kazakistan dhe Hungari, ku ka qenë pjesë e klubeve si FC Tobol dhe Debreceni VSC. Braga njihet për teknikën dhe aftësinë organizuese në lojë.
Afrimi tjetër është Luan Lleshi, 20 vjeç, një qendërmbrojtës 187 cm i gjatë, i cili së fundmi ka luajtur me KF Llapi. Ai ka qenë gjithashtu pjesë e përfaqësueses së Kosovës U21, duke u konsideruar një lojtar me potencial për të ardhmen.
Me këto dy përforcime, Skënderbeu synon të rrisë konkurrencën në skuadër dhe të ndërtojë një grup më të balancuar për sezonin e ardhshëm nën drejtimin e trajnerit Julian Ahmataj.
