By Një avion privat është rrëzuar në një autostradë në Laredo, në shtetin e Texas, duke shkaktuar një ngjarje të rëndë me pasoja fatale dhe të plagosur.
Sipas mediave të huaja, në avion ndodheshin gjashtë persona në momentin e aksidentit. Pas përplasjes me rrugën, mjeti ajror është përfshirë menjëherë nga flakët.
Autoritetet raportojnë se një person ka humbur jetën si pasojë e rrëzimit, ndërsa pesë persona të tjerë janë transportuar me urgjencë në spital. Ata dyshohet se kanë pësuar probleme shëndetësore nga thithja e tymit të madh të shkaktuar nga zjarri.
Shërbimet e emergjencës dhe policia kanë ndërhyrë menjëherë në vendngjarje, duke bërë të mundur izolimin e zonës dhe shuarjen e flakëve, ndërsa hetimet po vijojnë për të përcaktuar shkaqet e rrëzimit të avionit.
