By Një performancë magjike e Lionel Messit i ka dhuruar Argjentinës një fitore të pastër 3-0 ndaj Algjerisë në ndeshjen hapëse të Botërorit 2026, duke konfirmuar se kapiteni i “Albiceleste” mbetet ende njeriu i diferencës në momentet më të rëndësishme.
Ylli argjentinas hodhi poshtë çdo dyshim mbi formën e tij, duke qenë protagonisti absolut i sfidës. Goli i parë erdhi në pjesën e parë, kur Messi lëshoi një goditje të fuqishme nga jashtë zonës, pa i dhënë asnjë mundësi portierit Luka Zidan.
Në pjesën e dytë, “Pleshti” vazhdoi spektaklin personal. Fillimisht ai përfitoi nga një ndërhyrje jo e sigurt e portierit algjerian, duke ndjekur aksionin dhe shtyrë topin në rrjetë për golin e dytë.
Messi vulosi paraqitjen e tij të jashtëzakonshme me një tjetër goditje të saktë pranë zonës së rreptësisë, duke kompletuar tregolëshin personal dhe duke vendosur rezultatin përfundimtar 3-0.
Me këtë sukses, Argjentina e nis në mënyrën më të mirë aventurën në Botërorin 2026, ndërsa Messi dëshmoi edhe një herë se mbetet lideri dhe arma kryesore e kampionëve të botës.
