By Autoritetet në Muscatine, në shtetin e Muscatine, kanë konfirmuar një ngjarje të rëndë me armë zjarri ku gjashtë persona kanë humbur jetën, përfshirë edhe autorin e dyshuar të sulmit.
Sipas Departamentit të Policisë së Muscatine, i dyshuari, 52-vjeçari Ryan Willis McFarland, është gjetur i vdekur me një plagë të vetëshkaktuar nga arma e zjarrit. Hetuesit besojnë se viktimat ishin të gjithë familjarë të tij.
Ngjarja u regjistrua të hënën në disa zona të qytetit. Policia mori fillimisht një njoftim për të shtëna pak pas mesditës dhe, pas mbërritjes në një banesë, gjeti katër persona të pajetë të qëlluar me armë zjarri.
Sipas autoriteteve, i dyshuari ishte larguar nga vendngjarja përpara mbërritjes së policisë. Ai u lokalizua më vonë pranë një ure këmbësorësh buzë lumit, ku u gjet me plagë të vetëshkaktuar dhe u shpall i vdekur pavarësisht ndërhyrjes së shërbimeve të emergjencës.
Gjatë hetimeve të mëtejshme, policia zbuloi edhe dy viktima të tjera në pika të ndryshme të qytetit, një në një banesë tjetër dhe një në ambientet e një biznesi lokal, duke e çuar numrin total të viktimave në gjashtë.
Autoritetet thanë se të dhënat paraprake tregojnë për një konflikt familjar si shkak të ngjarjes, ndërsa vijojnë hetimet për të sqaruar rrethanat e plota. Emrat dhe moshat e viktimave nuk janë bërë ende publike.
