By Sulmuesi shqiptar Lorent Tolaj po kalon momentin më të mirë të karrierës së tij me Plymouth Argyle FC në “League One”, duke tërhequr vëmendjen e disa klubeve europiane pas një sezoni fantastik.
24-vjeçari realizoi 21 gola dhe dhuroi tetë asistime në të gjitha kompeticionet, duke u kthyer në një nga lojtarët më të spikatur të skuadrës angleze. Forma e tij ka bërë që drejtuesit e Plymouth të vendosin një çmim prej 5 milionë paundësh për çdo klub që dëshiron të sigurojë kartonin e sulmuesit.
Sipas raportimeve, Derby County FC në Championship dhe Rangers FC janë ndër skuadrat që kanë shfaqur interes konkret për shërbimet e tij.
Një tjetër detaj interesant është edhe e ardhmja ndërkombëtare e Tolajt. Futbollisti është aktivizuar me ekipet zinxhir të Switzerland national under-21 football team, por ende nuk ka debutuar me ekipin e parë helvet. Kjo lë të hapur mundësinë që ai të përfaqësojë në të ardhmen Albania national football team.
Rritja e sulmuesit shqiptar duket e vazhdueshme, pasi edhe sezonin e kaluar ai kishte regjistruar 15 gola dhe tetë asistime, duke konfirmuar potencialin e tij në futbollin anglez.
