By Juventus po planifikon me kujdes sezonin e ardhshëm dhe ka nisur të piketojë disa futbollistë për të forcuar skuadrën, teksa synon edhe kualifikimin në UEFA Champions League.
Sipas mediave italiane, përfshirë Tuttosport, klubi bardhezi është shumë pranë një marrëveshjeje me Real Madrid për disa diskutime që përfshijnë lojtarë të ndryshëm.
Në fokus është mesfushori ofensiv Brahim Diaz, për të cilin raportohet se është zhvilluar një takim mes dy klubeve. Ai shihet si një alternativë e mundshme në repartin ofensiv, në një periudhë kur Juventusi po shqyrton edhe emra të tjerë të mëdhenj të merkatos.
Po ashtu, në bisedime përmendet edhe talenti i ri Gonzalo Garcia, për të cilin klubi italian po ndjek me interes zhvillimet.
Ndërkohë, në listën e alternativave të Juventusit përforcohet edhe emri i Bernardo Silva si një opsion i mundshëm për mesfushën, ndërsa mbrojtësi David Alaba është përmendur gjithashtu si një lojtar që mund t’i ofrohet klubit si transferim i lirë në të ardhmen.
Bardhezinjtë po synojnë të ndërtojnë një skuadër më konkurruese për të përballuar jo vetëm kampionatin italian, por edhe rikthimin në nivelet më të larta të futbollit europian.
