By Një epokë politike në Hungari duket se ka marrë fund, pasi kryeministri Viktor Orbán ka pranuar humbjen në zgjedhjet parlamentare, duke i dhënë fund 16 viteve në pushtet.Në një fjalim të mbajtur në selinë e partisë së tij Fidesz, Orbán e pranoi rezultatin, duke deklaruar se humbja ishte “e dhimbshme”, por se verdikti i votuesve ishte i qartë. Ai bëri të ditur se ka telefonuar liderin e opozitës, Péter Magyar, për ta uruar për fitoren.Fraza kryesore e deklaratës së tij ishte: “Rezultati është i qartë dhe i dhimbshëm.” Sipas mediave ndërkombëtare, Orbán shtoi se do të vijojë t’i shërbejë vendit nga opozita, pas një humbjeje që shënon ndryshimin më të madh politik në Hungari në më shumë se një dekadë.Rezultatet paraprake tregojnë se partia opozitare Tisza, e drejtuar nga Péter Magyar, ka siguruar një avantazh të qartë ndaj Fidesz, me një pjesëmarrje rekord në votime që ka kaluar 77%, një nga më të lartat në historinë moderne të vendit.Humbja e Orbán konsiderohet një zhvillim me peshë jo vetëm për Hungarinë, por edhe për Europën, duke qenë se ai ishte një nga figurat më të njohura të krahut konservator nacionalist dhe një aleat i afërt i Donald Trump.
