By Tre persona kanë humbur jetën në një aksident të rëndë rrugor të regjistruar në orët e para të mëngjesit të së martës në qendër të Athinës, në Greqi.
Ngjarja ka ndodhur në bulevardin “Alexandras”, në kryqëzimin me rrugën “Armeni Vraila”, ku dy motoçikleta janë përplasur me njëra-tjetrën.
Sipas informacioneve paraprake, në njërin prej motorëve udhëtonte një burrë, ndërsa në motoçikletën tjetër ndodheshin dy gra. Përplasja ka qenë e fuqishme dhe ka shkaktuar plagosjen rëndë të të tre personave.
Të tre të plagosurit janë transportuar me urgjencë drejt spitalit “Red Cross Hospital” në Athinë. Pavarësisht ndërhyrjes së mjekëve, ata nuk kanë mundur t’u mbijetojnë plagëve të marra dhe janë konfirmuar të vdekur.
Policia greke ka nisur hetimet për zbardhjen e plotë të rrethanave të aksidentit. Aktualisht, shkaqet dhe dinamika e përplasjes mbeten të paqarta, ndërsa autoritetet po mbledhin prova dhe dëshmi për të përcaktuar se si ndodhi aksidenti tragjik.
Hetimet për ngjarjen vijojnë.
