By Gjiganti mediatik Fox Corporation ka njoftuar një marrëveshje për të blerë platformën e transmetimit Roku, në një marrëveshje të vlerësuar rreth 22 miliardë dollarë, duke shënuar një nga bashkimet më të mëdha në industrinë e medias dixhitale dhe televizionit.
Roku konsiderohet si një nga pionierët e kalimit të argëtimit televiziv në epokën e transmetimit, duke mundësuar akses në platforma si Netflix dhe YouTube përmes pajisjeve të saj dhe televizorëve inteligjentë.
Modeli i biznesit të kompanisë bazohet kryesisht në të ardhurat nga reklamat dhe abonimet e aplikacioneve që operojnë në platformën e saj, duke e bërë reklamimin burimin kryesor të fitimeve.
Në tremujorin e parë, të ardhurat nga reklamat arritën në 613 milionë dollarë, një rritje prej 27% krahasuar me të njëjtën periudhë të vitit të kaluar, duke reflektuar rritjen e vazhdueshme të segmentit të reklamave digjitale.
