By Meksika e ka nisur me këmbën e mbarë aventurën në Kupën e Botës, duke triumfuar 2-0 ndaj Afrikës së Jugut në ndeshjen e parë të fazës së grupeve.
Skuadra meksikane kaloi në avantazh shumë shpejt, teksa Quinones përfitoi nga një gabim i mbrojtjes kundërshtare dhe dërgoi topin në rrjetë që në minutën e nëntë të takimit.
Gjërat u vështirësuan edhe më shumë për afrikanët në fillimin e pjesës së dytë, kur Sithole u ndëshkua me karton të kuq, duke e lënë ekipin e tij me një lojtar më pak në fushë.
Duke shfrytëzuar epërsinë numerike, Meksika administroi lojën dhe vulosi fitoren falë golit të Jimenez, i cili siguroi tri pikët e para për përfaqësuesen e tij.
Me këtë sukses, meksikanët hedhin një hap të rëndësishëm drejt kualifikimit në fazën tjetër të turneut. Në këtë grup bëjnë pjesë edhe Çekia dhe Koreja e Jugut, të cilat pritet të rivalizojnë fort për vendet që të çojnë në raundin pasardhës.
