By Federata Shqiptare e Futbollit ka publikuar sot listën me 27 futbollistë të grumbulluar nga trajneri Rolando Maran, me disa ndryshime krahasuar me ndeshjet e muajit mars.
Një nga rikthimet që bie më shumë në sy është ai i mbrojtësit Andi Hadroj, i cili nuk ishte ftuar në Kombëtare që nga viti 2024, ndërsa minutat e fundit me ekipin kombëtar i kishte marrë në vitin 2022.
Nga lista e re mungon Ivan Balliu, i cili së fundmi ishte pjesë e Rayo Vallecano në një ndeshje të rëndësishme ndërkombëtare.
Hadroj vjen në këtë grumbullim pas një sezoni të vështirë në Ukrainë, ku nuk ka regjistruar minuta me ekipin e parë të Polissya Zhytomyr në kampionat dhe është aktivizuar kryesisht me ekipin e rezervave në kategorinë e tretë.
Megjithatë, stafi teknik i Kombëtares ka vendosur ta rikthejë në grup, duke e konsideruar një mundësi për të vlerësuar gjendjen e tij aktuale në këtë fazë të sezonit.
